21 gün şəkərsiz qalsaq nə olar? - Araşdırma



 11:50 03.02.2023     1271

Sağlam bir orqanizm üçün artıq yağlardan qurtulmaq çox önəmlidir. Yağsız orqanizm təkcə gözəl görünüşə malik olmaq şansı verməklə qalmır, orqanların sağlamlığını da dəstəkləyir. Bunun üçün nizamlı pəhriz proqramı tətbiq etmək ən yaxşısıdır.  Lakin kor-koranə pəhrizin də ziyanlı olduğunu unutmamalıyıq. Məhz bu məqamda “21 gün şəkərsiz qidalanma” pəhrizinin  əhəmiyyəti önə çıxır. 

Adi karbohidratları tamamilə  həyatımızdan çıxarmağı hədəfləyən “21 gün pəhrizi”  əl çəkə bilmədiyimiz zərərli qidalardan uzaq qalmağın yeganə yoludur. Təbii ki, şəkərdən imtina etmək düzgün deyil. Amma müəyyən müddət onun istifadəsini dayandırmaqla sağlam həyat tərzi keçirmək mümkündür.  Orqanizmin ehtiyacı olan qidaları və lifləri qəbul etmək üçün ən təbii şəkər qaynağı meyvələrdir. 

“21 gün pəhrizi”nə başlamazdan qabaq psixoloji cəhətdən bu duruma hazır olduğunuza qərar verin. Çünki  qidalanma vərdişlərinizi 3 həftə boyunca dəyişmək o qədər də asan deyil. Psixoloji möhkəmlik olmasa, bir yerdə pəhrizi pozacaqsınız. 

 Şəkərsiz keçən 21 gündə imtina etməli olduğunuz qidalar. 

21 gündə yeyiləcək və yeyilməyəcək qidalar mübahisə mövzusudur. Ağ undan hazırlanan qidalar, nişasta, yarımfabrikatlar 3 həftədə “qadağan edilmiş qidalar”dır. Ümumiyyətlə, 21 gündə uzaq durmalı olduğunuz qidalar bunlardır: 
Ağ un, düyü, makaron; 
Xəmir xörəkləri; 
Kekslər, peçenyelər kimi şirniyyatlar; 
Duzlu və şirin krakerlər; 
Emala məruz qalmış qidalar; 
Yarıbişmiş makaronlar; 
Dondurulmuş salatlar; 
Dondurma; 
“İçindəkilər” bölməsində əlavə şəkər olan qidalar; 
Nişasta ilə zəngin qidalar ( kartof, şirin kartof və s.); 
Hazır meyvə şirələri; 
Kola və qazlı içkilər; 
Kokteyllər; 
İsti şokolad; 
Aromalı kofe, süd və çaylar; 
Şəkərlə dadlandırılmış içkilər; 

Şəkərsiz keçən 21 gündə yeməli olduğunuz qidalar.
“21 gün pəhrizi”ndə hansı qidalara üstünlük verməyin lazım olduğu da mübahisələr yaradır. Çünki bu müddət ərzində orqanizm ehtiyacı olduğu qədər protein, karbohidrat və şəkər də almalıdır. Ona görə də, bu qidaları yemək önəmlidir: 
Zeytun yağı və kərə yağı; 
Süd, qatıq, ayran, pendir; 
Yumurta; 
Dana əti, toyuq əti, hindquşu əti; 
Dəniz məhsulları; 
Göyərtilər; 
Mərcimək kimi paxlalılar; 
Badımcan, balqabaq, təzə lobya; 
Hind qozu; 
Göbələk; 
Avokado; 
Kələm,kərəviz, brokoli, bolqar bibəri, xiyar, qulançar, pomidor; 
Turp; 
Limon; 
Alma, ananas, armud; 
Taxılkimilər: buğda çörəyi, çovdar çörəyi, buğda unundan hazırlanan makaronlar, yulaf əzməsi, kinoa, buğda yarması, qarabaşaq; 
Kofe, çay və bitki çayları; 
Xardal, ev sousları; 
Sağlam şəkər qəbulu üçün gün ərzində 2-3 porsiya meyvə, 1 çay qaşığı bal, bəhməz, yaxud 10 qr sadə şokolad; 

Şəkərsiz keçən 21 gün üçün qidalanma siyahısı: 

1-ci gün: 
Səhər yeməyi: 3 yumurta, 2 qaşıq yulaf əzməsi, ispanaqlı qayğanaq, pomidor, xiyar. 
Atışdırmalıq: 1 ovuc qaragilə, 8 ədəd badam ləpəsi. 
Nahar: 1 ədəd kəpəkli kökə, bol göyərti ilə hazırlanmış ton balığı salatı. 
Axşam yeməyi: 120-150 qr yaxşı bişmiş kabab və ya manqalda bişmiş tərəvəz. 

2-ci gün: 
Səhər yeməyi: 1 dilim buğda çörəyi, 1 ədəd soyutma yumurta, bol göyərti və 2 ədəd qoz ləpəsi. 
Atışdırmalıq: 1 ədəd yaşıl alma. 
Nahar: Limon suyu, zeytun yağı, duz və sarımsaq əlavə edilmiş noxud püresi (humus), kələm salatı və soyutma dana əti. 
Axşam yeməyi: 3 qaşıq qarabaşaq, 100 qr soyutma toyuq əti, 1 stəkan ayran. 

3-cü gün: 
Səhər yeməyi: 1 stəkan süd, 1 çay qaşığı çia toxumu, 1 banan ilə hazırlanmış qarışım. 
Atışdırmalıq: 10 ədəd fındıq ləpəsi. 
Nahar: 1 kasa qatıq, zeytun yağlı təzə lobya. 
Axşam yeməyi: Tərəvəz salatı və 150 qr somon balığı kababı. 

4-cü gün: 
Səhər yeməyi: 2 yumurta ilə hazırlanmış tərəvəzli qayğanaq. 
Atışdırmalıq: 2 ədəd quru gavalı və türk kofesi. 
Nahar: 1 buğda unundan yuxa, 1 porsiya soyutma hindquşu əti, 2 dilim ağ pendir ilə hazırlanmış dürmək. 
Axşam yeməyi: balqabaq qıyması ilə hazırlanmış makaron. 

5-ci gün: 
Səhər yeməyi: 1 ədəd kəpəkli buğda kökəsi, 2 ədəd soyutma bişmiş yumurta və lor pendiri. 
Atışdırmalıq: 1 kiçik ölçülü banan. 
Nahar: sobada bişmiş brokoli, gül kələmi, yerkökü qarışımı, 1 stəkan ayran. 
Axşam yeməyi: 100 qr soyutma bişmiş dana əti, sobada bişmiş yarım şirin kartof, mövsümi tərəvəzlərdən hazırlanmış salat. 

6-cı gün: 
Səhər yeməyi: 3 xörək qaşığı yulaf əzməsi, 1 kasa süd, 1 ədəd qoz ləpəsi, 6 ədəd çiyələk. 
Atışdırmalıq: 10 ədəd fındıq ləpəsi. 
Nahar: 1 stəkan ayran, 1 boşqab paxlalılardan hazırlanmış yemək. 
Axşam yeməyi: 1 dilim qara çörək, zeytun yağlı balqabaq. 

7-ci gün: 
Səhər yeməyi: bol göyərtili, göbələkli qayğanaq. 
Atışdırmalıq: 1 fincan südlü kofe. 
Nahar: 1 boşqab  kinoa şiləsi, yarım avokado, 4 ədəd salxım pomidor. 
Axşam yeməyi: bol göyərtili salat, 4 ədəd az yağlı lülə kabab, 1 stəkan ayran. 

Bahadur Seyidov / Demedia.az