24 il əvvəl dağıntılar altından çıxarılmışdı... - Yardım üçün Hataya getdi
Episentri Kahramanmaraşın Pazarcık rayonunda olan və 10 şəhərdə hiss olunan 7,7 bal gücündə zəlzələdən sonra bütün idman klubları yaraların sağalması üçün işlərini davam etdirir.
Demedia.az xəbər verir ki, 1999-cu ildə zəlzələ dağıntıları altından xilas edilən Kerem Aktürkoğlu kömək üçün şəxsən Hatay şəhərinə gedib.
Biri 7,7, digəri isə 7,6 bal gücündə olan zəlzələlərdən sonra on minlərlə insan həlak olub. Episentri Kahramanmaraş olan və 10 vilayətdə baş verən zəlzələlərdən sonra idman ictimaiyyəti də birlik mövqeyi nümayiş etdirdi. Bu insanlardan biri də 1999-cu ildə baş verən zəlzələdə dağıntılar altından xilas edilən Kerem Aktürkoğlu idi.
Bir çox klubdan yardım açıqlamaları gələrkən, bölgəyə yardım göndərən komandalar arasında Qalatasaray da var. Başçı Köməkçisi Erden Timur və komanda kapitanlarından Kerem Aktürkoğlu da Hatay'a gedərək yardım materiallarının paylanması üzərində iş aparıb.
Aslan bu anları 'Biz birlikdəyik' həştəqi ilə paylaşarkən, 'Qalatasaray Sportif A.Ş. Hatayda yardım materiallarının paylanmasında vitse-prezident Erden Timur və futbol komandamızın kapitanlarından Kerem Aktürkoğlu iştirak edib.
1999-cu ildə baş verən zəlzələdən zərər çəkənlər arasında milli futbolçu Kerem Aktürkoğlu da olub. Hələ 1 yaşı da olmayan Kərəm dağıntılar altından sağ xilas ola bilib. Fransız media nəhəngi L'Equipe, bir il əvvəl dərc etdiyi xəbərdə o günlərə istinad edərək xəbər verdi.
Xəbərdə Kerem Aktürkoğlunun karyerasından mühüm təfərrüatlar yer alarkən, onun 1999-cu ildə İzmitdə baş verən 7,6 bal gücündə zəlzələnin dağıntıları altından sağ çıxdıqdan sonra türk futbolunun ümidi olduğu qeyd edilib.
Kerem Aktükoğlunun L'Equipe-də verdiyi xəbərin təfərrüatlarında bu ifadələr yer aldı:
"İzmit dağıdıldı. 1999-cu ilin avqustunda Türkiyədə 7,6 bal gücündə zəlzələ baş verdi. Bələdiyyə sədri dağıntılar arasında məşğul olub, xüsusən də doqquz aylıq nəvəsinin həyatını xilas edib. O, Kərəmi sağ-salamat xilas etməyi bacarır və bu, bütün Aktürkoğlu ailəsini sevindirir. Daha sonra ən qatı düşməni Voldemortdan qurtula bilən bu möcüzəli sol cinah oyunçusuna “Qalatasaray” klubu aşiq olub, sanki “Harri Potter” ləqəbinə layiqmiş kimi sehrli çubuğunu yelləyərək qəhrəmanlıqlar göstərib".
23 yaşlı sol cinah müdafiəçisi bu mövsüm Fatih Terimin rəhbərliyi altında özünü doğruldub. Əfsanəvi məşqçi 2020-ci ilin sentyabrında “Ərzincanspor”dan transfer etdiyi Kərəmə xüsusi qayğı ilə yanaşıb. Kərəmin Frank Riberini xatırladan hekayəsi var.
Aysun / Demedia.az
