Şok Üç zəlzələdən sağ çıxdı! - Stressdən iki dəfə infarkt keçirdi
Fevralın 6-da saat 04:17-də Kahramanmaraşın Pazarcık rayonunda 7,7 bal gücündə zəlzələ baş verib. Birinci zəlzələdən sonra eyni gündə Kahramanmaraşın Elbistan rayonunda 7,6 bal gücündə ikinci zəlzələ baş verib. 'Əsrin fəlakəti' olaraq xarakterizə edilən zəlzələlərdə Qaziantep, Şanlıurfa, Diyarbakır, Adana, Adıyaman, Osmaniye, Hatay, Kilis, Malatya və Elazığ ilə Kahramanmaraş da zərər çəkib. Zəlzələ nəticəsində 40 mindən çox insan həlak olub, on minlərlə insan yaralanıb.
Demedia.az xəbər verir ki, dağıdıcı zəlzələlərdən sonra vətəndaşlar kömək üçün səfərbər olub. Hazırlanan planlar çərçivəsində zəlzələdən sağ çıxanların bölgədən təxliyyəsinə başlanılıb. Adıyamandan Aydına gətirilən zəlzələ qurbanlarının bir qismi rayonlardakı yataqxanalara və dövlət qurumlarının qonaqxanalarına yerləşdirilərkən, bir qismi də yaxınlarının yanına gəlib.
Əsrin fəlakətindən sağ çıxıb Aydına gələn zəlzələ qurbanlarından biri də 63 yaşlı Mehmet Zeki Polat və həyat yoldaşıdır. Aydının Kuşadası rayonunda qızının yanında məskunlaşan Polat ailəsi Kahramanmaraş mərkəzli zəlzələ də daxil olmaqla 3 dəfə zəlzələ olub. Mehmet Zeki Polat son zəlzələdən sonra keçirdiyi həddindən artıq kədər və stress səbəbiylə 2 dəfə infarkt keçirib. Aydın Dövlət Xəstəxanasına köçürülən Polat xəstəxanada həkim və tibb bacılarının nəzarətində müalicə olunub.
Üçüncü dəfə zəlzələyə düşdüklərini və Kahramanmaraşda zəlzələ gecəsi yaşadıqlarının sözlə ifadə edilə bilməyəcək çətin bir vəziyyət olduğunu ifadə edən Polat deyib:
“O gün yaşadıqlarımızı sözlə ifadə etmək mümkün deyil. Çox çətin idi. Keçən illər də zəlzələlərə düşdük. Üçüncü zəlzələdən də sağ çıxdıq. Birinci zəlzələdə evlərimiz uçdu. O zaman konteynerlərdə, çadırlarda yaşadıq 3-4 il. Evlərimizi dövlət tikdi, öz evlərimizə köçdük. Bir il sonra biz də üçüncü zəlzələdə yaxalandıq".
Aysun / Demedia.az
