Stoltenberq Finlandiya prezidentini təbrik etdi
NATO-nun baş katibi Yens Stoltenberq Finlandiya prezidenti Sauli Niinistonu ölkəsinin NATO-ya üzvlüyünün təsdiqlənməsi prosesinin başa çatması münasibətilə təbrik edib.
Demedia.az xəbər verir ki, Stoltenberq sosial şəbəkədəki mesajında Niinistoya təbriklərini çatdırıb. Stoltenberq NATO-nun mənzil-qərargahında Finlandiya bayrağının ucaldılmasını səbirsizliklə gözlədiyini ifadə edib.
"Finlandiya bizim ittifaqımıza çox şey qatacaq. Keçən il bütün müttəfiqlər Finlandiya və İsveçi alyansa qoşulmağa dəvət edərək tarixi qərar qəbul etdilər. O vaxtdan bəri biz NATO-nun müasir tarixində ən sürətli ratifikasiya prosesini gördük” - Stoltenberq deyib.
Bahadur Seyidov
