Rusiyadan ŞOK: Şoyqu açıqladı
Rusiyanın müdafiə naziri Sergey Şoyqu Sakit Okean Donanmasının müdafiə qabiliyyətinin artırılması məqsədilə qəfil yoxlamaya başlanıldığını və donanmanın döyüşə yüksək hazırlıq vəziyyətinə gətirildiyini açıqlayıb.
Demedia.az-ın məlumatına görə, Rusiyanın müdafiə naziri Sergey Şoyqu nazirlik rəsmiləri və qüvvələr komandirləri ilə görüş keçirib. Nazir Şoyqu, mümkün düşmən hücumlarına qarşı Sakit Okean Donanmasının müdafiə qabiliyyətini artırmaq üçün Uzaq Şərq bölgəsində qəfil yoxlamaya başlanıldığını bildirib.
Şoyqu deyib: “Bu gün (Vladivostok vaxtı ilə) saat 09:00-a olan məlumata görə, Sakit Okean Donanması bütün qüvvələri ilə döyüş hazırlığı vəziyyətinə gətirilib və döyüşə yüksək hazırlıq vəziyyətinə gətirilib” və aviasiya bölmələrinin də iştirak edəcəyini bildirib. “Bu yoxlamanın əsas məqsədi Rusiya Silahlı Qüvvələrinin okean və dəniz istiqamətindən düşmənin mümkün hücumunu dəf etmək qabiliyyətini artırmaqdır”.
Təlimin Yaponiya ilə münaqişənin olduğu Kuril adasında və Saxalin adasında keçiriləcəyini bildirən Soyqu, "Bu yolla düşmənin Kuril və Saxalin adalarına qarşı mümkün hücumları dəf ediləcək" - deyə əlavə edib.
Rusiya Müdafiə Nazirliyi Sakit Okean Donanmasını qəfildən müharibəyə yüksək hazırlıq vəziyyətinə saldıqdan sonra Kremldən açıqlama gəlib. Kremlin sözçüsü Dmitriy Peskov bunun adi bir təcrübə olduğunu və Rusiya Silahlı Qüvvələrinin müharibəyə hazır olması üçün bu istiqamətdə təcrübələrin aparıldığını bildirib.
Aysun / Demedia.az
