“Aclıq təriqətinin” lideri danışdı: "Ən azı 1000 cəsəd tapacaqlar"
Keniyadakı Beynəlxalq Xoş Xəbər Kilsəsi ətrafında tapılan cəsədlər ölkədə hiddətə səbəb olub.
Demedia.az xəbər verir ki, ölülərin sayı hər keçən saat artarkən, hadisənin bir nömrəli şübhəlisi mövzu ilə bağlı danışıb.
Ötən bazar günü Keniyada baş verən dəhşətli inkişaf bütün dünyada səs-küy salıb. Keniyada dinləyicilərinə ac qalmağı əmr etdiyi iddia edilən bir məzhəbin lideri Paul Mackenzie Nthenge-nin saxlanılması ilə başlayan istintaq günlərdir davam edir.
Hazırda bölgədən gələn xəbərlərə görə, 73 nəfərin cansız cəsədi tapılıb. Polis cəsədlərin ailələrə qaytarılması üçün cəsədlərin şəxsiyyətini müəyyənləşdirməyə davam edir.
Polisin verdiyi məlumata görə, 14 din üzvü saxlanılıb. Keniya Qırmızı Xaç Cəmiyyəti itkin düşən 112 nəfərin hələ də tapılmadığını açıqlasa da, səlahiyyətlilər 33 nəfərin təriqətdən xilas edildiyini bildirib.
Keniya prezidenti Uilyam Ruto verdiyi açıqlamada hadisəni pisləyib və dindən şər məqsədlər üçün istifadə edən təriqət liderlərini terrorçu adlandırıb.
Nəzarətə alınan təriqət lideri gün ərzində verdiyi açıqlamalarla vəziyyətin ciddiliyini ortaya qoyub. Sözügedən şəxs polisin ən azı 1000 cəsəd tapacağını düşündüyünü deyib.
Aysun / Demedia.az
