Rus milyarderin ŞOK HƏYATI: Adanı satın alıb və...
Rusiya-Ukrayna müharibəsi ilə bir çox rus milyarderi Qərb dünyasının sanksiya siyahısına düşüb və onların qərb ölkələrindəki varlıqları müsadirə edilib.
Demedia.az xəbər verir ki, sanksiya siyahılarına hər gün yeni adlar əlavə olunsa da, bəzi adlar tətbiq edilən sanksiyalardan azad olmaqda davam edir.
Ekspertlər sanksiya qərarının siyasi, iqtisadi və geostrateji məsələlərə diqqət yetirilərək verildiyini düşünürlər. Sanksiya siyahısına daxil edilməyən rusiyalı oliqarxlardan biri də qızı Yekaterinaya məxsus Fransa liqasında "AS Monaco" futbol klubuna rəhbərlik edən rusiyalı milyarder Dmitri Rıbolovlevdir.
2013-cü ildə rusiyalı milyarder Yunanıstanın qərbindəki İon dənizindəki Skorpios adasını milyonçu yunan gəmi sahibi Aristotel Onassisin yeganə varisi olan nəvəsi Athina Onassisdən alıb. Adada uzun müddətdir davam edən tikinti işləri başa çatdıqdan sonra Rıbolovlev meqa kurortu müharibənin kölgəsində istifadəyə verməyə hazırlaşır.
Yunanıstanın dəniz ticarətində dünyanın ən əhəmiyyətli ölkələrindən birinə çevrilməsində mühüm rol oynayan məşhur milyonçu Aristotel Onassis tərəfindən 1962-ci ildə satın alınan İon dənizindəki Skorpios adası boş qaldıqdan sonra yenidən qonaqlarına xidmət etməyə hazırlaşır.
Ailə peşəsini seçərək tibb təhsili alan Rıbolovlev 1990-cı ildə kardioloq kimi fəaliyyətə başlayıb. Daha sonra bizneslə məşğul olub, alternativ tibb məhsulları və dərman istehsalında istifadə olunan maddələrin satışı ilə məşğul olub. Daha sonra bankçılıq ixtisası üzrə təhsil alaraq 1994-cü ildə öz bankını qurub. Bir il sonra o, bütün səhmlərini satıb və gübrə istehsalında istifadə olunan kaliuma sərmayə qoyub.
Rıbolovlevlər ailəsinin müəyyən vaxtlarda qalacağı ada, digər vaxtlarda məhdud sayda insana kurort xidmətləri göstərəcək və Yunanıstan hökuməti tərəfindən beynəlxalq təşkilatlara icarəyə verilə bilər. Bildirilir ki, artıq adada Onassisin məşhur “Çəhrayı malikanəsi”nin baxım və təmir işləri, dəbdəbəli və ekoloji cəhətdən təmiz otellər, idman meydançaları, restoranlar, əyləncə fəaliyyətləri üçün amfiteatr və yaxtaların dayana biləcəyi marina var. Adanın xidmətə başladığı zaman yüksək səviyyəli təhlükəsizlik tədbirləri görəcəyi və silahlı mühafizəçilər tərəfindən qorunacağı bildirilir.
Aysun / Demedia.az
