"Alibaba"nın həmtəsisçisi, milyarder Cek Ma müəllim işləyir
Məşhur e-ticarət saytı Alibabanın həmtəsisçisi Cek Ma Yaponiyada müəllimlik vəzifəsini qəbul edib.
Demedia.az-ın məlumatına görə, Tokio Kolleci bazar ertəsi elan edib ki, bu yeni vəzifədə Ma davamlı kənd təsərrüfatı və qida istehsalı ilə bağlı araşdırma aparacaq.
Bir vaxtlar Çinin ən zəngin adamı olan texnologiya nəhənginin Tokio Universitetinin idarə etdiyi kollecdə keçiriləcək seminarlarda “sahibkarlıq, şirkət idarəçiliyi və innovasiya sahələrində zəngin və qabaqcıl təcrübəsini” paylaşacağı da bildirilib.
Manın qonaq professor kimi fəaliyyəti mayın 1-dən başlayıb. 2019-cu ilin sentyabrında Alibaba-dan istefa verən 58 yaşlı Alibaba-nın həmtəsisçisi olmamışdan əvvəl uzun illər ingilis dilində dərs deyib.
Ma 2019-cu ilin may ayında Alibaba-dan ayrıldıqdan sonra müəllimlik sevgisi səbəbindən öz köklərinə qayıdacağını söyləyib.
2022-ci ilin noyabrında Ma Yaponiyada görünüb və bəzi özəl üzv klublarda vaxt keçirib.
Ma mart ayında doğulduğu Çinin şərqindəki Hangzou şəhərində qurduğu məktəbə qayıdıb. Aprel ayında o, Honq-Konq Universitetinin fəxri professoru adını alıb.
Aysun / Demedia.az
