Hitlerin etdiklərinə bənzədilir, istehsalı çox asandır! - Ukraynanın yeni silahı...
Rusiya-Ukrayna müharibəsinin başlamasından təxminən bir il yarım keçir.
Hazırda Ukraynanın şərqində müharibə bütün zorakılıqları ilə davam edərkən, Rusiya ordusunun hücumlarına ciddi müqavimət göstərən Ukrayna ordusu yaxın vaxtlarda əks-hücuma keçməyə hazırlaşır.
Müharibənin ilk günlərindən Qərb ölkələrindən silah və sursat dəstəyi alan Ukrayna da öz imkanları ilə daha ucuz və istifadəsi asan silah sistemləri hazırlamağa çalışır. Bunun ən son nümunələrindən biri bir qrup ukraynalı mühəndisin qarajda gündəlik materiallarla istehsal etməyə çalışdığı Trembita “raketləri”dir.
Özlərini anti-Rusiya tərəfdarı kimi təqdim edən könüllü mühəndislər qrupu Vidsich müharibə başlayandan bəri Ukrayna ordusuna kömək edə biləcək həllər tapmağa çalışır. Bu məqsədlə üzərində işlədikləri son sistem “Xalq raketi” adlandırdıqları Trembita raketləridir. Qrup üzvləri bildirirlər ki, mahiyyətcə qanadları olan polad borudan ibarət olan bu silahlar sadə katapult vasitəsilə atəşə tutula bilər.
Mühəndislər iddia edirlər ki, 140 kilometr mənzilə sahib olduğunu iddia etdikləri Trembita, ABŞ-ın Ukraynaya çatdırdığı HIMARS yüksək hərəkətlilikli çoxlu raket sistemində istifadə edilən 70 kilometr mənzilli raketlərdən daha uzun mənzilə malikdir. O, 20 kiloqrama qədər partlayıcı başlıq daşıya biləcəyini söylədikləri Trembita sistemlərinin mühərriklərinin 100 desibel səsinin cəbhədəki rus əsgərlərinə qorxulu təsir edəcəyini düşünür.
Aysun / Demedia.az
