Evdə pişik saxlayanlar OXUSUN: Belə çağırın...
Bir pişiyi yanınıza necə çağırırsız?
Alimlər pişiyi çağırmağın və onunla ünsiyyət qurmağın ən təsirli yolunu tapmış ola bilər. Fransız tədqiqatçılar qrupu, pişiklərin həm şifahi, həm də vizual işarələri ehtiva edən ünsiyyət formasına ən tez reaksiya verdiyini aşkar etdilər.
Tədqiqata Charlotte De Mouzonun rəhbərlik etdiyi Paris Nanterre Universitetinin Müqayisəli Etologiya tədqiqatçıları rəhbərlik ediblər. De Mouzon bir neçə ildir ki, pişik-insan qarşılıqlı əlaqəsinin daxili və xarici aspektlərini öyrənir.
Vizual işarələr və ya audio siqnallar vacibdirmi?
De Mouzonun tədqiqatının çox hissəsi pişiklərlə insanlar arasında ünsiyyətin müəyyən bir aspektini, məsələn, səsi təhlil etmək və araşdırmaqdan ibarətdir. Məsələn, keçən ilin oktyabrında o və komandası ev pişiklərinin öz sahibinin səsini yad adamın səsindən asanlıqla ayırd edə bildiyini və sahiblərinin onlarla birbaşa danışdıqlarını anlaya bildiklərini ortaya qoyan bir məqalə dərc etdi.
Biz insanlar bir mövzunu başqasına izah edərkən səsimizdən tutmuş üz ifadəmizə, əllərimizə qədər bir çox şeylərdən istifadə edirik və görünür, oxşar vəziyyət pişik-insan söhbətlərinə də aiddir.
Pişiklərin həm tək, həm də birlikdə fərqli ünsiyyət formalarımıza necə reaksiya verdiyini anlamaq məqsədi daşıyan araşdırma, keçən mart ayında Animals jurnalında dərc edilib.
Aysun / Demedia.az
