20 minə həm iş, həm də ev...
Ankarada doğulan Atacan Nayır hələ 2 aylıq olarkən İstanbula köçüb və universitetə qədər burada yaşayıb.
Demedia.az xəbər verir ki, 2020-ci ildə Sakarya Universiteti Maşınqayırma fakültəsini bitirdikdən sonra Atacan qısa müddət mühəndis vəzifəsində çalışıb.
Lakin o, həmişə daha çox “faydalı iş” ardınca getmək istədiyi üçün özünü babasının Dənizli torpağında tapıb və pandemiya bunu daha da sürətləndirib.
Atacan Nayır 2020-ci ildən kənddə təcrübə qazanıb. Onun bu zəhməti qısa zamanda kənddəki qohumları tərəfindən yüksək qiymətləndirilib. Gəldiyi nöqtədə gənc sahibkar fermer kimi ilk üç ildə əldə etdiyi bilik və araşdırmalardan brendləşmə üçün istifadə etməyə çalışır.
Düşünmədən, bilmədən tənqid etməyin vacibliyini vurğulayan Atacan deyib:
“Mənim üçün zehni şərtlərin daha çətin olduğunu düşünürəm, yaradıcı həll yolları ilə fiziki və maddi şərtlərin öhdəsindən gələ bilərsiniz. 20 min lirə ilə başlamışdım, evim və işim var artıq. Mühəndis olduğum üçün alət və avadanlıqlardan istifadə təcrübəm və “özünüz et” ideyasına olan marağım bunu mümkün edən əsas amillər idi. Fiziki və mənəvi olaraq qardaşım Göktürk yenə mənim üçün böyük bir şans oldu. Bu üstünlüklər sayəsində ən çətin ilk ildən sağ çıxdım. Ona görə də təcrübəsiz, maraqsız və yoldaşsız hər kəsin öhdəsindən gələ biləcəyi proses deyil”.
Aysun / Demedia.az
