Siçan zəhərli düyü: Sevgilisini öldürüb paketə qoydu və...
Dənizlidə Əfqanıstan əsilli Nadia Nurinin (30) öldürülməsi ilə bağlı yeni qan donduran təfərrüatlar ortaya çıxıb.
Demedia.az xəbər verir ki, 11 oktyabr 2022-ci ildə Əfqanıstan əsilli Nadia Nurinin cəsədi Pamukkale rayonu Cümhuriyyət Mahallesi 1968 küçəsindəki torpaq sahəsində tapılıb.
Ədyala bükülmüş meyitin əllərinin yapışqan lentlə, ayaqlarının isə plastik qandalla bağlandığı müəyyən edilib. Yarılmada Nurinin zəhərlənərək öldüyü müəyyən edilib. Polis şübhəli şəxs qismində qadının əfqan sevgilisi Sabour Saxizadəni müəyyən edib və araşdırmalara başlayıb. S.Saxizadənin yeməyinə siçovul zəhəri qatan sevgilisini öldürdüyü müəyyən edilib. Sonradan məlum olub ki, S.Saxizadə cəsədi 2 təkərli təkər arabası ilə 2 kilometr apararaq sahəyə atıb.
Yaxalanaraq saxlanılan və polisə ifadəsində sevgilisini qısqanclıq zəminində öldürdüyünü etiraf edən Sahizadə 2 il əvvəl Nuri ilə sosial şəbəkədə tanış olduğunu, daha sonra qadının Manisadan yanına gəldiyini deyib:
“Plov hazırladım. Zəhər qatdım. Bir az sonra gördüm çarpayıda nəfəs almır ağzından qan gəlir, yanında uzanıb ağladım. Sonradan bacıma zəng vurub Nadyanı zəhərləyərək öldürdüyümü dedim və gəlməsini xahiş etdim. Bacım gələnə kimi rahat daşımaq üçün əllərini yapışqanla,ayaqlarını isə plastik qandallarla bağladım".
Aysun / Demedia.az
