Zelenskidən Zaporojye ilə bağlı açıqlama
Ukrayna Prezidenti Vladimir Zelenski Rusiya ordusunun Zaporojye Atom Elektrik Stansiyasının bəzi enerji bloklarının damlarına partlayıcıya bənzər materiallar yerləşdirdiyini iddia edib.
Demedia.az xəbər verir ki, Zelenski sosial media hesabındakı açıqlamasında Zaporojye Atom Elektrik Stansiyasındakı vəziyyəti dəyərləndirib. Radiasiyanın bütün dünya üçün təhlükə olduğuna işarə edən Zelenski, AES-in radiasiya təhlükəsindən tamamilə qorunmalı olduğunu vurğulayıb.
Dövlətlərin nə baş verdiyini və kimin günahkar olduğunu dəqiq bilmək üçün kəşfiyyat imkanlarına malik olduğunu deyən Zelenski, “Bizdə olan kəşfiyyat məlumatlarına görə, Rusiya ordusu bəzi güc bloklarının damına partlayıcıya bənzər materiallar yerləşdirib” deyə bildirib.
Bahadur Seyidov
