İlanla şou göstərdi, sonra isə... - VİDEO
Sivasın Yıldızeli rayonunda fermer tarlada işləyərkən ilanla qarşılaşıb.
Demedia.az xəbər verir ki, ilanı tutan və onu sevən fermerin dialoqları tamaşaçıların gülüşünə səbəb olub.
Sivasın Yıldızeli rayonunun Çağlayan kəndində yaşayan Səlahəddin Taş tarlada işləyərkən ilanla rastlaşıb. Traktordan düşərək ilanı tutan Taş bir müddət ilanla söhbət edib. Əkinçi “Tosun, səni yaradana qurban olum, hardan gəldin, ağzını aç, mişar kimi dişlərə bax” deməsi, sevdiyi ilanla dialoqu izləyənləri güldürüb. 1,5 metrlik ilanla pişik oynayırmış kimi oynayan Səlahəddin Taş bir müddət sonra ilanı təbiətə buraxıb.
İlandan qorxmadığını deyən Səlahəddin Taş “Əkinçiliklə məşğulam. Biz adətən tarlada olduğumuz üçün ilanlar həmişə ətrafda olur. Sahədə işlədiyimiz üçün tez-tez rastlaşırıq. İlanlardan qorxmadığım və öyrəşdiyim üçün adətən saxlayıram, oynayıram, sevirəm. Onu təbiətin ixtiyarına buraxacağam” dedi.
100-dən çox ilan tutduğunu və heç birinin özünə zərər vermədiyini ifadə edən Taş, “İldə orta hesabla 8-10 ilanla qarşılaşıram. Əslində ilanlar təbiətdə zərərsiz canlılardır. Əksinə, təbiətcə biz fermerlərə fayda verir. Buradan bütün fermerlərə səslənirəm ki, ilanlara zərər verməsinlər, öldürməsinlər. Onlar bitsə, əkinçi də bitər, təbiət bitər, əkinçilik də bitər. Onlar bizim dostumuzdur. Biz bu canlılarla tez-tez suvarma, budama və bağlama çəkərkən qarşılaşırıq. Çağlayan kəndi suyu bol kənd olduğundan burada ilanlara tez-tez rast gəlinir. İndiyə qədər 100-dən çox ilan saxlamışam. “Hələ heç birinin məni incitdiyini görməmişəm.
Aysun / Demedia.az
