Hər kəsi heyran qoyan görüntülər - DİQQƏTLİ OLUN!
İzmirin Seferihisar rayonunda Perseid Meteor Yağışını izləyən və 4 saat ərzində qeydə alan astrofotoqraf Süleyman Akgüneş odlu toplar da daxil olmaqla 40-a yaxın meteoru çəkib.
Demedia.az xəbər verir ki, xalq arasında enən ulduz olaraq xarakterizə edilən və ildə 8 dəfə baş verən ən möhtəşəm meteor yağışı olan Perseid Meteor Yağışı iyulun 14-də başlayıb və sentyabrın 1-dək davam edib.
Avqustun 10-dan 14-nə qədər pik həddinə çatan meteor yağışını müşahidə etmək üçün Türkiyənin bir çox bölgələrində, xüsusilə avqustun 12-dən 13-nə keçən gecə işıq çirkliliyinin az olduğu yerlərdə müşahidə tədbirləri təşkil edilib. Həm peşəkar, həm də həvəskar müşahidəçilərin iştirak etdiyi tədbirlərdə saatda 60-100 işıq izi müşahidə oluna bilirdi.
6 il əvvəl astrofotoqrafiyaya hobbi olaraq başlayan və bunu peşəkarcasına davam etdirən Süleyman Akgüneş avqustun 13-nə keçən gecə İzmirin Seferihisar rayonunda meteorit müşahidə edib. Daha sonra müxtəlif düşərgələrdə iştirak edən Akgüneş avqustun 13-də apardığı müşahidə ilə bağlı fotosessiyaları montaj edərək videoya çevirərək sosial media hesablarında paylaşıb:
"860 kadr seriyalı çəkiliş zamanı 40-a yaxın meteor rast gəldi. Son saniyədəki alov topu ən böyük ola bilər. Ay işığının olmaması builki müşahidəni çox yaxşı etdi".
Aysun / Demedia.az
