Vitaminlərlə doludur, bazarda çox asan tapılır...
Mövsümi dəyişikliklər zamanı bir çox problem yarana bilər.
Bunlara daha az enerjili hisslər, yəni yorğunluq, cinsi istəyin azalması, saç tökülməsinin yaşanması, yuxu pozğunluğu, bədəndə regional və ümumi ağrılar, iştahın həddindən artıq artması və ya azalması, depressiya daxildir. Özünüzü onlardan qorumaq çox asandır.
Xüsusilə çiy kök və ya təzə kök suyu müntəzəm olaraq istehlak edildikdə, orqanizmin antioksidant qabiliyyətini gücləndirir. Kolon, prostat, döş və yemək borusu xərçəngi başda olmaqla bir çox xərçəngə qarşı qoruma təmin edən yerkökü damarlarınıza da dostdur. Araşdırmalara görə, buxarda bişmiş yerkökü çiy kökdən daha çox antioksidant ehtiva edir. Sentyabr və oktyabr ayları yerkökü yığılan aylar arasında olduğundan, bu tərəvəzin süfrələrdə öz yerini tutmasının vaxtıdır.
Bütün fəsillərdə bazar rəflərində tapa biləcəyiniz məhsul olsa da, göbələklər təbiətdə ən çox payızda yetişir. Kaliumla zəngin olduğu üçün göbələk qan dövranı sistemini və ürəyi qoruyur, həmçinin qan təzyiqini tənzimləyir. Bundan əlavə, yaddaş və idrak funksiyalarını da dəstəkləyir.
Göbələklər həmçinin təbii insulin və fermentləri ehtiva edir ki, bu da orqanizmə qidalarda olan şəkər və nişastaları parçalamağa kömək edir, qaraciyər və mədəaltı vəzi funksiyalarını dəstəkləyir. Bəzi payız göbələkləri; qazayağı, qanlı göbələk, acı göbələk, truba göbələyi, küknar göbələyi, qırmızı qanlı göbələk, çətir göbələyi, tellis, çəmən göbələyi və porçini göbələyi.
Kapia bibəri tərkibindəki C vitamini sayəsində güclü sidikqovucudur. Müntəzəm sidik ifrazı bədəndən toksinləri çıxarmağa kömək edir və qan təzyiqinizi tənzimləyir. Tərkibində antikoaqulyantlar olan kapia bibəri qanı durulayır və laxtalanmanın qarşısını alır. Tərkibindəki C vitamini, beta-karoten və antioksidantlarla ürək xəstəlikləri riskini azaldır.
Aysun / Demedia.az
