Həmişə tək yaşayan adamın dəhşətli həyatı...
O, ömrü boyu sabit işləyib və həmişə təkbaşına yaşayıb. 1890-1930-cu illərdə Denver və Rio Qrande Qərb Dəmiryolunda 40 il işlədikdən sonra təqaüdə çıxdı. Onun evli oğlu 400 kilometr aralıda Grand Junction-da yaşayırdı.
O və həyat yoldaşı Helen təqaüdə çıxmasının 11-ci ilində idi. Təqvimlər 17 oktyabr 1941-ci ili göstərirdi. ABŞ-ın Kolorado ştatının paytaxtı Denverdə yaşayan 73 yaşlı Filip Pitersin cansız bədəni sahibi olduğu evin yataq otağında tapılıb. Onun cansız bədənini görənlər dəhşətə gəliblər. Bədəninin yanında çubuq, silahın qundağı və soba pokeri vardı. O, son nəfəsini verməmişdən əvvəl hər üç əşyadan vəhşicəsinə istifadə edilmişdi. Halbuki o, ətrafındakılara həmişə hörmət bəsləyən, özündən kiçik hər kəslə mehriban, anlayışlı bir insan idi. Onun ağrılı ölümü hamının qanını dondurdu. Faktlar üzə çıxdıqca vəziyyət daha da mürəkkəbləşdi.
Peters həyatının son həftələrində tək idi. Onun həyat yoldaşı Helen ombasını sındırdığı üçün xəstəxanada müalicə alırdı. Qonşular qocanın yemək ehtiyacını ödəyir, hətta ev işlərində də ona kömək edirdilər. Lakin oktyabrın 17-də qonşuları ondan heç nə eşitməyiblər. Qonşular vaxtının çox hissəsini evdə keçirən qocanın başına nəsə gələ biləcəyindən şübhələniblər və evə girəndə onun vəhşicəsinə öldürülmüş cəsədi ilə rastlaşıblar. Qan donduran qətlin şokundan çıxmağa çalışan qonşular vəziyyəti polisə xəbər verib. Hadisə yerinə gələn qruplar evdəki qiymətli əşyaların oğurlanmadığını görüblər. Qətl pula görə baş verməyib. Üstəlik, hər kəsin diqqətini çəkən başqa bir detal da var idi. Evin bütün qapıları içəridən bağlı idi.
Helen 1942-ci ilin fevralında xəstəxanadan çıxana qədər qətlin baş verdiyi ev boş qaldı. Apreldə qayıdanda yataq xəstəsi idi və qulluqçuya ehtiyacı vardı. Bir neçə nəfər bir neçə ay əvvəl qətlin baş verdiyi evdə işləməyə razılaşsa da, tezliklə istefa verib.
İşdən çıxanlar arasında bir qulluqçu “Mən perili evdə qala bilmərəm” deyərək qorxu içində evi tərk edib. Digəri evin qapılarından birinin ətrafında solğun əl gördüyünü və yaşlı qadına işdən çıxmasını söylədi. Ərinin ölümündən sonra həyata tutunmağa çalışan, lakin yataq xəstəsi olduğu üçün xidmətçiyə ehtiyacı olan yaşlı qadın çarəni oğlu və gəlininin yanına köçməklə tapıb.
Bu müddət ərzində ev yenə boş qaldı. Ancaq qəribəlik əslində yeni başlamışdı. Qətlin istintaqı nəticəsiz olsa da, evdə qəribə hadisələr baş verməkdə davam edirdi. Polis hadisə yerində nəzarəti davam etdirib və qətli işıqlandırmaqda qərarlı olub. İsti iyul gecəsində evi izləyən iki polis məmuru pərdələrdə bəzi hərəkətləri müşahidə edib. Evdə boş olduğu güman edilən biri var idi. Polis əməkdaşları cəld evin ətrafında gəzərək içəri girmək qərarına gəliblər. Zabitlər giriş qapısını sındıraraq səsləri izləyərək dama doğru yollanıblar. Onlar çardaqdakı boşluğa diqqətlə baxanda hərdən bir arıq ayaqla hərəkət edən, yoxa çıxdığını gördülər. Bu arıq ayaqdan tutub bərk aşağı çəkmək o qədər də çətin deyildi.
Polisin aylardır perili olduğu düşünülən evdə qarşılaşdığı şey kabus deyil, canlı məxluq olub. Bu məxluq cır-cındır geyinmiş arıq və iyli bir adamdan başqa bir şey deyildi. Üstəlik, o qədər qəribə adam idi ki, sürükləndiyi yerdən aşağı çəkilərkən huşunu itirdi. Onu müayinə edən təcili yardım həkimi "Bu, indiyə qədər gördüyüm ən pis qida çatışmazlığıdır" dedi. Kişi təxminən 1,80 metr boyunda və təxminən 75 kiloqram ağırlığında idi.
Aysun / Demedia.az
