250 qramlıq qaya parçasının sirri...
Amerika Milli Aeronavtika və Kosmik Tədqiqatlar İdarəsi (NASA) tərəfindən 8 sentyabr 2016-cı ildə kosmosa buraxılan Osiris-Rex zondu 22 sentyabr 2017-ci ildə Yer kürəsinin yanından keçərək 2018-ci il dekabrın 3-də Bennu adlı asteroidin səthinə enib.
Demedia.az xəbər verir ki, Osiris-Rex zondunun təxminən iki il ərzində Bennunun ətraflı səth xəritəsini yaratdığını ifadə edən astrofizik Dos. Dr. Selçuk Topal bildirib ki, zond 2020-ci ildə asteroidlə təmasda olub, nümunələr götürə bilib:
"Osiris-Rex cəmi 6 milyard kilometrlik səyahətdən sonra 24 sentyabr 2023-cü il Türkiyə vaxtı ilə saat 18:00-da nümunə kapsulunu dünyaya çatdırdı. Hazırda layihənin ümumi dəyəri 800 milyon dollar olaraq təyin olundu".
Selçuk Topal son zamanlar həyəcana səbəb olan Bennudan alınan nümunələrin bir çox suala cavab verə biləcəyini vurğulayıb:
"Dünyaya təslim edilən probun çəkisi 250 qramdan bir az çox olan nümunə və bu nümunənin kimyəvi tərkibi ətraflı şəkildə araşdırılacaq. Araşdırmalarda əldə edilən nümunənin təxminən 4,5 milyard il yaşı olduğu üçün bu, işıq tutacaq. Tədqiqatlarda Günəş sisteminin erkən dövründə planetlərin əmələ gəlməsini, suyun və digər həyati vacib molekulların planetə necə gəldiyini anlamaq üçün vacib məlumatlar əldə ediləcək. Bu yolla Günəş Sistemi və planet əmələ gəlmə nəzəriyyələri yenilənəcək.
Biz su və həyat üçün lazım olan birləşmələrin planetimizə asteroidlər və kometlər vasitəsilə gəldiyini düşünürük. Ona görə də Bennu öyrənmək vacibdir".
NASA əməkdaşları kosmos kapsulunu açarkən qapağın içinin sirli qara maddə ilə örtüldüyünü anlayanda işlərini dayandırmalı olublar. MailOnline-a danışan Kanberradakı Avstraliya Milli Universitetinin astrofiziki Dr. Bred Taker, incə tozun da asteroiddən gələn material olduğunu söyləyib.
Aysun / Demedia.az
