Cinsi Əlaqədən sonra QANAMALARIN SƏBƏBİ NƏDİR? - Video
Postkoital qanaxma – uşaqlıq yolundan patoloji qanlı ifrazatın bir növüdür.
Çox vaxt bu simptom həyat üçün təhlükəli olmayan xəstəliklərin təzahürü olur, amma eyni zamanda, uşaqlıq boynu xərçənginin də ilk əlaməti ola bilər. Cinsi əlaqə zamanı və ya ondan sonra uşaqlıq yolundan qanlı ifrazat olarsa, ginekoloqla konsultasiya etmək lazımdır. Cinsiyyət orqanlarının zədələnmə səviyyəsindən asılı olaraq, qanlı ifrazatın xarakteri müxtəlif ola bilər: uşaqlıq xəstəliklərində ifrazatda qan laxtaları olur; əgər patoloji proses, məsələn, iltihabi proses uşaqlıq boynunu əhatə edirsə – qanla birlikdə selik ifraz olunur; uşaqlıq boynunun xarici hissəsi və ya uşaqlıq yolu zədələnmişsə – al qan xaric olur.
