Tələbələrə dəstək - Türkiyədə yeni qərar
Ali Təhsil Tələbələrinə Texnoloji Cihaz və İnternet Dəstəyi Verilməsi haqqında Qərar Rəsmi Qəzetdə dərc olunub.
Demedia.az xəbər verir ki, Qərara əsasən, son satış qiyməti 9 min 500 TL-dən çox olmayan mobil telefon və kompüter cihazlarının alınması üçün hər bir tələbəyə 5 min 500 lirə birdəfəlik dəstək veriləcək.
Prezident Rəcəb Tayyib Ərdoğanın imzası ilə Rəsmi Qəzetdə dərc olunan qərarla; Yaşı 26-dan aşağı olan distant təhsil tələbələri istisna olmaqla, Türkiyə Respublikası vətəndaşı olan hər bir ali təhsilli tələbəyə birdəfəlik texnoloji cihaz dəstəyi və bir illik internet dəstəyi veriləcək.
Bu tələbələrə veriləcək internet dəstəyi bir xətt üzərindən olacaq.12 ay pulsuz olacaq,illik 120 GB, ayda maksimum 10 GB. Müvafiq tələbə adına qeydiyyatlı xətt ilə internet dəstəyi istifadə edilə bilər.
Hər tələbənin yalnız bir dəfə istifadə edə biləcəyi texnoloji cihaz dəstəyinin ümumi məbləği ən çox 5 min 500 TL olacaq. Bu kontekstdə əldə edilən mobil telefon cihazları dəstəkdən faydalandığı tarixdən etibarən ən azı 2 tam il ərzində yalnız dəstəkdən faydalanan şəxs tərəfindən istifadə edilə bilər.
Bahadur / Demedia.az
