Qəzzada ağır vəziyyət: Uşaqlar üçün təhlükəlidir
Qəzzanın ən böyük xəstəxanası olan Əl-Şifada vaxtından əvvəl doğulan körpələr xəstəxana ətrafındakı qarşıdurmaların və elektrik kəsilməsinin yaratdığı riskdən birbaşa təsirlənib.
Demedia.az xəbər verir ki, xəstəxananın ümumi cərrahiyyə şöbəsinin müdiri Dr. Mərvan Əbu Saada deyib:
"36 vaxtından əvvəl doğulmuş körpə var. 39 uşaq var idi, amma üçünü itirdik. Onlardan ikisi xəstəxanada elektrik kəsilərkən oksigen çatışmazlığından öldü. Üçüncüsü isə bağırsaq infeksiyasından öldü" dedi. dedi. Körpələrə necə qulluq etdiklərini izah edən Dr. Əbu Saada, "Biz qızdırılan yorğanlardan istifadə edirik. Normalda əməliyyatda istifadə edərdik. Onları körpələrin altına qoyuruq. Oksigen borularından istifadə edirik".
Əbu Səada müsahibə verərkən İsrail əsgərləri xəstəxananın zirzəmisində axtarış aparırdılar. İsrail uzun müddətdir ki, HƏMAS-ı Əl-Şifa xəstəxanasının nəzdində hərbi baza yaratmaqda ittiham edir. Yenidoğulmuşlar şöbəsində işləyənlər xəstəxanadakı körpələrlə eyni mərtəbədə yatır. Sağ qalan 36 vaxtından əvvəl doğulmuş körpənin çəkisi 800-1200 qram arasında idi. Ən kiçiyinin 28 həftəlik yaşı var. Dr. Əbu Saada deyir ki, xəstəxananın bu körpələrin heç birinin valideynləri və ailəsi ilə əlaqəsi yoxdur. Müharibə xaosunda ailə tapmaq mümkünsüz oldu. Həkim deyir ki, bombardmandan sonra iki körpə tapılaraq xəstəxanaya gətirilib. Digər dörd körpə isə qeysəriyyə əməliyyatı ilə ölü analarının əlindən xilas edilib.
Bahadur Seyidov
