Heç vaxt belə bir şey görməmisiniz: Elə planet tapıldı ki...
Hər dəfə kosmosun dərinliklərinə baxdığımızda daha əvvəl görmədiyimiz xüsusiyyətlərə malik göy cisimləri ilə qarşılaşırıq. Alimlərin tapdığı bu planet də onlardan biridir.
Demedia.az xəbər verir ki, 563.270 kilometr uzunluğunda (Yerlə Ay arasındakı məsafədən daha uzun) quyruğu olan bu planet Yupiter ölçüsündədir. WASP-69b adlanan planet Yerdən 160 işıq ili uzaqlıqda yerləşir. Havaydakı W. M. Keck Rəsədxanasının tədqiqatçılarının müşahidə etdiyi planetin quyruğu kosmosa səpdiyi helium qazından əmələ gəlir.
UCLA-da astrofizika üzrə doktorantura namizədi və tədqiqatın aparıcı müəllifi Dakotah Tayler qeyd edir ki, planetin əvvəlki müşahidələrində ya çox qısa quyruğu olub, ya da quyruğu yoxdur: “Ancaq son müşahidələrimizdə biz mütləq helium quyruğu göstərə bildik ki, nəhəng planetin öz diametrindən 7 dəfə uzundur”.
WASP-69b-nin orbitinin öz ulduzuna çox yaxın olduğu və cəmi 3,9 Yer gününə tamamlandığı bildirilir. Həmçinin deyilir ki, ulduzdan gələn istilik planetin atmosferini yandırır. Bunu aşağıdakı dizaynda görmək mümkündür:
30 metr enində nəhəng güzgü ilə Keck II teleskopu planetin quyruğundan gələn zəif işığı tutmaq üçün kifayət qədər görünürdü. Taylerin ifadələri bunu təsdiqləyir: "Müşahidələrimizdə Kek-i digərlərindən fərqləndirən onun güzgüsünün böyük toplanma sahəsi idi ki, bu da bizə ulduzdan daha çox işıq almağa imkan verdi."
Teleskopla əlaqəli başqa bir cihaz Yaxın İnfraqırmızı Spektroqrafdır (NIRSPEC). Bu cihazla quyruğun yüksək keyfiyyətli detallarını da çəkmək mümkün olub.
Hesablamalara görə, alimlər WASP-69b-nin hər 1 milyard ildən bir Yerin kütləsi qədər qaz itirdiyini düşünürlər. Əlbəttə, onu da qeyd etməliyik ki, planet Yerdən demək olar ki, 90 dəfə böyük olduğu üçün onun hələ də itirəcək çoxlu qazı var.
Bu günə qədər NASA 5560-a yaxın ekzoplanet kəşf edib və 10 mindən çox ekzoplanet namizədi var. Gəlin görək qarşıdakı müşahidələr daha hansı maraqlı məqamları ortaya çıxaracaq.
Aysun / Demedia.az
