ABŞ-də təyyarədə yemək bişirilən zaman yanğın çıxdı
Amerika Birləşmiş Ştatlarının Texas ştatından Şimali Karolina ştatına uçan təyyarə veriləcək yeməklərin hazırlandığı hissədə baş verən yanğından sonra təcili eniş etməli olub.
Demedia.az xəbər verir ki, NBC News-un məlumatına görə, “American Airlines” aviaşirkətinə məxsus “Boeing 737-800” tipli təyyarə Şimali Karolinaya getmək üçün Austin-Bergstrom Beynəlxalq Hava Limanından havaya qalxıb.
Hava yolu şirkəti havaya qalxdıqdan bir müddət sonra təyyarənin mətbəxindəki sobanın alovlanmasından sonra "təyyarədə texniki problem olduğu" səbəbi ilə Hyustona yönləndirildiyini açıqlayıb.
Şimali Karolinada eniş etməli olan təyyarə texniki nasazlıq səbəbindən Hyustondakı Corc Buş Qitələrarası Hava Limanına enib. Təyyarədə çıxan yanğına xilasetmə qrupları müdaxilə edib.
Bahadur Seyidov
