Dağıdıcı zəlzələ gəlir deyib 13 nəfəri qurban verdi - Dəhşətli HADİSƏ

İkinci Dünya Müharibəsi veteranının övladı Herbert Mullin kiçik yaşlarından mehriban ailədə böyüyüb, dostları ilə sevinclə oyunlar oynayıb.

Demedia.az xəbər verir ki, Bu sevinc ibtidai sinifdə də davam etdi. Onun zəkasına və pozitivliyinə heyran olan müəllimləri dərhal gənc Mullində işığı gördülər. Sosial münasibətləri çox sağlam olan və təhsilində uğur qazanan Herbert Mullinin böyüdükdə böyük nailiyyətlər qazanacağına inanılırdı. Lakin işlər planlaşdırıldığı kimi getmədi. Herbert Mullin adını bütün dünyaya tanıtdırdı, lakin nailiyyətləri ilə deyil, seriyalı qatil kimi. Bəs necə oldu ki, belə xoşbəxt uşaqlığı olan biri belə qaranlıq hekayədə baş rola çevrildi?

İbtidai məktəb illərini xoşbəxt keçirən Herbert Mullin yeniyetməlik çağına çatanda addım-addım qaranlığa təslim olmağa başlayır. Nisbətən xoşbəxt bir orta məktəb dövrü keçirən Mullin hətta 16 yaşında olarkən San Lorenzo Vadisi Liseyindəki dostları tərəfindən "ən parlaq yeniyetmə" seçildi, çünki uğur qazanma ehtimalı ən yüksək olan tələbə idi. Amma orta məktəbdən sonra hər şey dəyişdi. Məzun olduqdan sonra Mullin həyatının ən böyük travmasını yaşadı. Orta məktəbi bitirdikdən sonra ən yaxın dostunu yol qəzasında itirən Herbert Mullin bu hadisənin öhdəsindən gələ bilməyib. Yaşadığı travma o qədər dərin idi ki, ətrafdakılardan gizlədərək öz həyatını məhv edəcəyinə and içdi ki, bu uğursuz ölümü qəbul edə bilməyib və dərin ağrılar keçirib. 19 yaşında istifadə etməyə başladığı qeyri-qanuni maddələr onun psixologiyasına daha da pis təsir edib.

Yalnız 21 yaşı tamam olanda ailəsi nəyinsə səhv olduğunu anladı. Aradan keçən 2-3 il ərzində əslində Mullin üçün çox gec idi. Anası onun şizofreniya əlamətlərinin olduğunu düşündüyü üçün onu mütəxəssisə aparmaq istəyib və qismən haqlı olub. Lakin həkimlər onun probleminin daha çox müvəqqəti psixi problem olduğuna razılaşdılar və Mullinin xəstəxanada müalicə olunmasına qərar verildi.

Mullin onun üçün müəyyən edilmiş marşrutu izləməməkdə israr edəndə işlər daha da pisləşdi. Müalicəsinə sadiq qalmayan Mullin əvvəlcə xəstəxanadan qaçıb, daha sonra mühitini dəyişərək başqa yerə gedib və orada işləməyə başlayıb. Bir tərəfdən qeyri-qanuni maddələrdən istifadəni davam etdirir, digər tərəfdən də pul qazanmağa çalışırdı. Lakin bir müddət sonra hər ikisini eyni anda bacara bilməyəcəyini anlayınca işini atıb, evə qapanıb. İstifadə etdiyi maddələrə görə bəzən beynində səslər eşidir və onları susdurmaqda çətinlik çəkirdi. Eşitdiyi səsləri yaxın ətrafı ilə bölüşəndə ​​cəmiyyətdən təcrid olunmuşdu.

İzolyasiya dövründə öz-özünə danışmağa başlayan Mullin xəstəliyi günü-gündən ağırlaşırdı. Birdən qoluna və ayağına siqareti söndürməyə başlayan Mullin üçün artıq həyəcan zəngləri çalmağa başlamışdı. 23 yaşı tamam olanda üç həkim ona şizofreniya diaqnozu qoydu. O, yenidən ailəsini tərk edib təkbaşına yaşamaq qərarına gəlib. Halbuki onun tək qalması lazım deyildi, müalicəyə ehtiyacı var idi. Bu proses uzun sürmədi və təxminən 2 il sonra yenidən ailəsinin yanına, yəni Kaliforniyaya köçdü. Onun xəyalları və eşitdiyi səslər hər gün daha da şiddətlənirdi.

Aysun / Demedia.az