Alış-veriş mərkəzində ağlasığmaz hadisə - Damdan girib qızılları oğurladılar
Kocaelinin İzmit rayonunda ticarət mərkəzindəki zərgərlik mağazası gecə saatlarında damdakı havalandırma dəliyindən içəri girən şəxs və ya şəxslər tərəfindən qarət edilib.
Demedia.az xəbər verir ki, hadisə gecə saatlarında İzmit rayonu, Sanayi rayonunda yerləşən ticarət mərkəzində yerləşən zərgərlik mağazasında baş verib. Ticarət mərkəzinə gələn, şəxsiyyəti hələlik müəyyən edilməmiş şəxs və ya şəxslər zərgərlik mağazasına damdakı havalandırmadan daxil olaraq qızılları götürərək eyni üsulla qaçıblar. Siqnal çalan zaman alış-veriş mərkəzinin mühafizəsi və iş adamları dükanın qarşısına gələrək, heç nə görməyib geri qayıdıblar.
Səhər işə gələn zərgər oğurluğu mağazaya daxil olarkən görüb. Xəbərdarlıq üzərinə ünvana sövq edilən polis qrupları hadisə ilə bağlı araşdırma aparıb. Oğurlanan qızılın miqdarını müəyyən etmək üçün də araşdırma aparılıb.
Hadisə yeri araşdırma qrupları zərgərlik mağazasına, ətrafına və damına baxış keçirib.
Mağazanın anbar hissəsində oğurluqda istifadə edildiyi güman edilən dəmir boru aşkar edilərkən, şübhəli və ya şübhəlilərin tutulması üçün araşdırma başladılıb.
Aysun / Demedia.az
