Abşeronda yetişdirilən zəfəran niyə keyfiyyətlidir? - Səbəbini biləcəksiniz / VİDEO
Azərbaycanda elə bitkilər yetişir ki, keyfiyyətinə görə dünyada tayı-bərabəri yoxdur. Onlardan biri də Abşeron zəfəranıdır.
Abşeron öz zeytunu, üzümü, ənciri kimi zəfəranı ilə də tarixən keyfiyyəti ilə məşhurdur. Zəfəranın rənginin tünd olması onun keyfiyyətinin əsas göstəricidir. Abşeron zəfəranına bu keyfiyyəti verən Abşeronun mülayim qışı, günəşli yayı və münbit yodlu torpağıdır. Abşeron zəfəranının yetişdirildiyi torpaqlar yodla zəngin olduğu üçün bu bitkini daha da keyfiyyətli edir.
2016-cı ildə yaradılmış “Absheron Saffron” Azərbaycanın ilk patentləşmiş zəfəran məhsulları istehsal edən şirkətdir. Şirkət Abşeron yarımadasının Zirə qəsəbəsində, 20 hektar sahədəki münbit torpaqda, orqanik gübrələrlə zəfəran yetişdirir. “Absheron Saffron” zəfəranı tamamilə bio orqanik məhsuldur, tərkibində heç bir kimyəvi qatqı yoxdur. İsveçrə Laboratoriyasından əldə edilən nəticələr də bunu təsdiq edib. “Absheron Saffron” hazırda dünyanın ən yüksək keyfiyyətli zəfəran yetişdiricilərindən biridir. Məhsulları nəinki yerli bazar, dünyanın bir sıra ölkələrinə həm xam məhsul, həm də hazır məhsul olaraq export olunur.
Demedia.az zəfəranla bağlı "Bir Bax" Yutub kanalında yayımlanan videonu təqdim edir.
Rəna İsmayılova / Demedia.az
