HƏMAS atəşkəs üçün şərtlərini irəli sürüb



 14:48 06.03.2024     225

HƏMAS hərəkatının Siyasi Büro üzvü Usamə əl Həmdan Qəzzada atəşkəsin təmin edilməsi üçün ABŞ administrasiyasının İsrailə ciddi təzyiq etmədiyini bildirib.

Demedia.az xəbər verir ki, Həmdan paytaxt Beyrutda HƏMAS-ın ofisində keçirdiyi mətbuat konfransındakı açıqlamasında belə deyib. İsraillə Qəzzada hərtərəfli və tam atəşkəsin təmin edilməsi üçün vasitəçi kimi çıxış edən Misir və Qətərlə görüş keçirdiklərini ifadə edən Həmdan, HƏMAS-ın mümkün razılaşma təklifi üçün şərtlərini irəli sürdüyünü qeyd edib. 

Həmdan atəşkəs razılaşması üçün HƏMAS-ın bəyan etdiyi şərtlərin İsrail əsgərlərinin Qəzza zolağından tamamilə çıxarılması, köçkün mülki əhalinin öz ərazilərinə qayıtması və bütün lazımi yardımların Qəzzaya daxil olması olduğunu vurğulayıb.

Bahadur Seyidov