İtaliya tiktoku cərimələdi



Özəl
 10:43 15.03.2024     279

İtaliya Rəqabət Təşkilatı Çində yerləşən sosial media platforması tiktoku yetkinlik yaşına çatmayan istifadəçiləri zərərli məzmundan lazımi səviyyədə qorumadığını əsas gətirərək 10 milyon avro cərimələyib.

Demedia.az xəbər verir ki, Rəqabət Qurumunun açıqlamasına görə, Çin mərkəzli “ByteDance” qrupunun İtaliya, İngiltərə və İrlandiyadakı tiktok filiallarına, yetkinlik yaşına çatmayan istifadəçiləri potensial zərərli təsirlərdən qorumadıqları səbəbi ilə ümumilikdə 10 milyon avro cərimə kəsilib. Açıqlamada bildirilib ki, tiktok platformasında yayılan məzmuna nəzarət onun yetkinlik yaşına çatmayanların və həssas şəxslərin psixoloji və fiziki təhlükəsizliyini təhdid edib-etmədiyini müəyyən etmək üçün kifayət deyil.

Açıqlamaya görə, sözügedən sosial media platforması bu cür məzmunun yayılmasının qarşısını almaq üçün adekvat tədbirlər görməyib və özünün dərc olunmuş təlimatlarına əməl etməyib.

Bahadur Seyidov




© 2024.