Rusiyada 37 rayonda 226 yaşayış məntəqəsi çay daşqınlarından zərər çəkib
Rusiya Fövqəladə Hallar Nazirliyinin məlumatına görə, ölkənin 37 rayonunda 226 yaşayış məntəqəsi çay daşqınlarından zərər çəkib.
Demedia.az xəbər verir ki, su altında qalan evlərin sayı 10 min 550, bağların sayı 19 min 139, körpülərin sayı isə 160 olub. Daşqın təhlükəsi ilə əlaqədar fövqəladə vəziyyət elan edilən Kurqan və Tümen vilayətlərinin bəzi yerlərində müvəqqəti məskunlaşma mərkəzləri yaradılıb, evakuasiyalara başlanılıb. Rusiyanın Fövqəladə Hallar Nazirliyi daşqınların baş verə biləcəyi ərazilərdə vətəndaşları xəbərdarlıqlara ciddi yanaşmağa və təxliyə etməyə çağırıb.
Qeyd edək ki, Rusiyanın Orenburq vilayətinin Orsk şəhərində Ural çayında bəndi dağılıb.
Bahadur Seyidov
