Bu kiçik robot cazibə qüvvəsi olmayan yerdə tullana bilir
Bu üç ayaqlı robot asteroidlərdə və peyklərdə tapılan aşağı çəkisi olan mühitləri araşdırmaq çətinliklərinin öhdəsindən gələ bilər.
Demedia.az xəbər verir ki, SpaceHopper adlı robot proqramı ilk dəfə 2 il yarım əvvəl İsveçrənin ETH Sürix Universitetində istifadəyə verilib. Universitetdən verilən açıqlamaya görə, tullanan robot, sıfır cazibə qüvvəsini simulyasiya edən Avropa Kosmik Agentliyinin uçuşunda tədqiqatçılar tərəfindən sınaqdan keçirilib.
Robot üçbucaqlı gövdəyə malikdir və hər küncdə oynaq bir ayağı var. Bu üç ayağın hər birində diz və kalça oynaqlarına bənzər oynaqlar var. Bu yolla robot özünü səthdən itələyə və müəyyən edilmiş əraziyə yumşaq şəkildə enə bilər. SpaceHopper xüsusi olaraq cazibə qüvvəsinin az və ya heç olmadığı asteroidlər və aylar kimi daha kiçik göy cisimlərini araşdırmaq üçün nəzərdə tutulmuşdur.
Bu kiçik göy cisimlərini kəşf etmək həqiqətən çətin bir işdir. Sıfır cazibə mühiti təkərlərlə asfalt arasında sürtünmə olmayan yolda sürməyə bənzəyir. Eyni zamanda, nəqliyyat vasitəsinin hərəkət etdiyi mühitdə atmosfer yoxdur. Buna görə də, hərəkət etmək əvəzinə, SpaceHopper yuxarı və yanlara qısa sıçrayışlar edir.
Sıfır cazibə mühitini təqlid edən ESA tərəfindən həyata keçirilən parabolik uçuşda SpaceHopper, hər biri 20-25 saniyə davam edən 30 fərqli "sıfır cazibə" təcrübəsi sayəsində sınaqdan keçirilmə fürsəti qazandı. Tədqiqatçılar qeyd edirlər ki, yuxarıda baxa biləcəyiniz videodakı təcrübə kifayət qədər uğurlu olub.
Aysun / Demedia.az
