Avstraliya Ukraynaya təxminən 100 milyon dollar hərbi yardım edəcək



 09:05 29.04.2024     238

Avstraliya baş nazirinin müavini və müdafiə naziri Riçard Donald Marles Ukraynaya təxminən 100 milyon dollar dəyərində əlavə hərbi yardım veriləcəyini açıqlayıb.

Demedia.az xəbər verir ki, Avstraliya Müdafiə Nazirliyindən verilən açıqlamaya görə, nazir Marles Ukraynanın baş naziri Denis Şmıqal ilə görüşdüyü Ukraynanın Lvov şəhərində mövzu ilə bağlı mətbuata açıqlama verib.

Marles əlavə hərbi yardım paketinə 50 milyon dollar dəyərində qısa mənzilli hava hücumundan müdafiə sistemi, 30 milyon dollar dəyərində pilotsuz uçuş sistemi, dəbilqə, sərt gövdəli şişmə qayıqlar, tüstü maskaları, generatorlar və çəkmələr kimi yüksək prioritetli avadanlıqların daxil olacağını ifadə etdi. və 15 milyon dollar dəyərində havadan-yerə sursat qeyd edilib.

Avstraliyanın müharibə başlayandan bəri Ukraynaya ümumilikdə 880 milyon dollarlıq hərbi yardım edəcəyini vurğulayan Marles, ölkəyə edilən yardımların ümumi həcminin bir milyard dollara çatdığını bildirib.

Bahadur Seyidov