Çində istilər rekord vurdu
Bu il Çinin Honq-Konq Xüsusi İnzibati Bölgəsi 1884-cü ildə meteoroloji qeydlər başlayandan bəri "ən isti aprel"i yaşayın.
Demedia.az xəbər verir ki, Honq Konq Rəsədxanasının verdiyi açıqlamaya görə, aprel ayında orta temperatur 26,4 dərəcə Selsi olaraq ölçülüb.
Subtropik iqlim zonasında yerləşən Honq-Konqda bu ilin qış və yaz aylarında temperatur göstəriciləri mövsümi normalardan yüksəkdir. Aprelin 27-də şəhərdə orta sutkalıq temperatur 28,8 dərəcə Selsi ilə bütün zamanların ən yüksək səviyyəsinə çatıb.
Qeyd edək ki, Honq Konqda 1990-2020-ci illər arasında aprel ayında orta temperatur 21,1 ilə 25,6 dərəcə Selsi arasında ölçüldü.
Bahadur Seyidov
