İllər sonra ortaya çıxan sirr - Mətbəxdə göründü, sonra isə...
1971-ci ildə mətbəxin döşəməsindəki ləkə İspaniyanın Belmez de la Moraleda qəsəbəsində yaşayan Maria-Juan Pereira cütlüyünün diqqətini çəkib.
Demedia.az xəbər verir ki, əvvəlcə bu vəziyyətə çox əhəmiyyət verməyən cütlük bir neçə gün ərzində həmin ləkənin qadın sifətinə bənzədiyini görüb. Mariya ləkəni silməyə çalışsa da, uğursuz oldu. Bu da hadisənin sirrinin daha da artmasına səbəb olub. Baş verənlər bununla da məhdudlaşmayıb və bir neçə həftə ərzində döşəmədən və divarlardan fərqli simalar çıxmağa başlayıb. Maraqlı tərəfi o idi ki, üzlər yerlərini və formasını bir az dəyişdi.
Evlərində yaşadıqları maraqlı vəziyyətdən sonra Pereyra cütlüyü evin döşəməsini dəyişmək qərarına gəlib və yerə beton töküblər. Lakin bu, üzlərin görünməsinə mane olmur, əksinə, onları daha da görünür edirdi. Qısa müddətdə baş verənlər bütün şəhərdə eşidildi. Bu, cütlüyün evinin hər gün ziyarətçilərlə dolmasına və ailənin şöhrətinin tədricən şəhərdən kənara da yayılmasına səbəb oldu.
Artıq bu vəziyyətə biganə qala bilməyən səlahiyyətlilər bir neçə həftə ərzində evin altında qazıntı işlərinə başlayıb və evdə orta əsrlərə aid insan sümüklərinə rast gəliblər. Evin aşağı hissələrində 1200-cü illərə aid çoxlu skelet tapıldı, onların çoxu başsız idi. Skeletlər eksqumasiya edilib və qəbiristanlıqda basdırılıb. Evin döşəməsi əvvəlki vəziyyətinə gətirildikdən sonra işlər yekunlaşıb. Lakin az sonra üzlər yenidən görünməyə başladı. Nəticədə, ev indi paranormal müstəntiqlərin, vasitəçilərin, ruhanilərin və əlbəttə ki, turistlərin diqqət mərkəzinə çevrilib.
Əslində, alman tədqiqatçısı Hans Bender evdəki bu vəziyyəti 20-ci əsrin ən mühüm paranormal hadisəsi elan edərək araşdırmalarını sürətləndirdi. Professor Benderin, araşdırma aparan televiziya heyətinin, notariusun və təsərrüfat işçilərinin nəzarəti ilə mətbəxin döşəməsi böyük hissələrə bölünüb və hər bölmədəki üz təsvirləri diqqətlə çəkilib, lentə alınıb.
Daha sonra notariusun nəzarəti ilə otağın hər tərəfi xüsusi suvaqla suvanıb və pəncərələr möhkəm bağlanaraq möhürlənib. Otağın qapısında və pəncərənin altında 24 saat polis mühafizəçiləri mühafizə olunub və otaq 3 ay bağlı saxlanılıb. Sözügedən dövrün sonunda bütün aidiyyəti şəxslərin iştirakı ilə mətbəxin möhürləri götürüldükdə şəkillərin daha da aydınlaşdığı, günü-gündən cavanlaşdığı, ifadələrinin dəyişdiyi görüldü.
Bundan sonra bütün evdə radioaktivlik, üzvi və sintetik birləşmələr, rentgen şüaları, səs monitorinqi və diaqram təcrübələri, fotoşəkillər və ultrabənövşəyi və infraqırmızı şüalar altında tədqiqatlar kimi bütün zəruri araşdırmalar aparıldı. Ancaq fövqəltəbii varlığın heç bir əlaməti tapılmadı. Bu üz işarələrinin səthdəki kimyəvi maddələrin işığa reaksiya verməsi nəticəsində əmələ gəldiyi düşünülürdü, lakin bu iddia sübuta yetirilmədi. Paranormal tədqiqatçılar bu üzlərin Marianın düşüncə və hisslərinin fiziki təzahürü olduğunu düşünürdülər. Bildirilib ki, bu üzlər qadının əhval-ruhiyyəsinə, istək və düşüncələrinə uyğun formalaşdırılıb. Mariya evdə olmayanda üzlərin formalaşmaması paranormalistlərin bu iddiasını dəstəklədi.
2004-cü ildə Mariya 85 yaşında vəfat etdi. Onun ölümü ilə bir çox insanlar ləkələrin artıq görünməyəcəyini düşünürdü. Ancaq tamamilə fərqli üzlərlə yanaşı, üzlər hələ də görünməyə davam edirdi. Hadisə yenidən məşhurlaşarkən, vəziyyətlə bağlı İspaniya mətbuatı tərəfindən təkzib edilib və yeni simaların ortaya çıxmadığı açıqlanıb.
2 min insanın yaşadığı Bélmez de la Moraleda qəsəbəsindəki bu evin sirri 53 ildir ki, hələ də açılmayıb. Ancaq bir çox insanların fikrincə, bu vəziyyət məişətin uydurmasından başlayıb, sonra media və bələdiyyə tərəfindən şişirdilib.
Aysun / Demedia.az
