Dəfn mərasimində şok: Bir anda...



 20:02 05.06.2024     712

ABŞ-da baş verən şok hadisəyə görə öldüyü güman edilən yaşlı qadının cənazə hazırlıqları zamanı sağ olduğu aşkarlanıb.

Demedia.az xəbər verir ki, ABŞ-ın Nebraska ştatında qaldığı qocalar evində öldüyü elan edilən qadının daha sonra aparıldığı cənazə evində sağ olduğu məlum olub.

Dəfn salonundakı işçilər 74 yaşlı qadının hələ də nəfəs aldığını görüb və ürək masajı etdikdən sonra təcili yardım xəttindəki səlahiyyətlilərə məlumat verib. Qadın Constanze Glantz iki saat əvvəl yaxınlıqdakı qocalar evinin əməkdaşları tərəfindən öldüyü elan edilib.

Qlantz daha sonra xəstəxanaya aparılıb. Hadisəni araşdıran polis bildirib ki, qocalar evi əməkdaşlarının cinayət niyyətinə dair heç bir sübut yoxdur. Polis məmuru Ben Houchin, "Bu, çox qeyri-adi bir hadisə idi. Mən 31 ildir işdəyəm və heç vaxt belə bir vəziyyət görməmişəm" deyib.

Houchin bildirib ki, Qlants xəstələrin müalicə oluna bilməyəcəyi şöbədə olduğu və ölümünün gözlənildiyi üçün məhkəmə tibb işçisi göndərilməyib.

Bundan əlavə, Ben Houchin "son yeddi gündə bir həkim xəstəni gördüyünü və həkimin ölüm şəhadətnaməsini imzalamağa hazır olduğunu" vurğulayaraq, "Ölüm zamanı heç bir şübhəli halın olmadığını" deyib.

Qlantzın hazırkı sağlamlıq durumu məlum olmasa da, ailəsinə məlumat verildiyi qeyd edilib. Houchin hadisənin mərkəzində olan iş adamının və qocalar evinin adını açıqlamadı. Lakin BBC yerli mediada adı keçən qocalar evi ilə əlaqə saxlayıb və şərh almağa çalışıb.

Jurnalistlər də iş adamı ilə əlaqə saxlayıb və yazılı açıqlamada 'xəbərlərdə bildirilən hadisə ilə bağlı menecerlərimizin və əməkdaşlarımızın münasibətindən qürur duyuruq' ifadə edilib.

Keçən ilin iyun ayında Ekvadorda Bella Montoya adlı 76 yaşlı qadın insult keçirdikdən sonra öldüyü elan edilmiş və tabuta qoyulmuşdu. Lakin 5 saat sonra paltarını dəyişmək üçün yenidən tabut açılanda onun hələ də sağ olduğu məlum olub. Ancaq Montoya bir neçə gün sonra öldü.

Aysun / Demedia.az