ABŞ Ukraynaya yeni Patriot hava hücumundan müdafiə sistemi göndərəcək
“New York Times” qəzeti ABŞ administrasiyasının Ukraynaya yeni Patriot hava hücumundan müdafiə sistemi göndərəcəyini yazıb.
Demedia.az xəbər verir ki, adının açıqlanmasını istəməyən iki yüksək rütbəli ABŞ rəsmisi qəzetə bildirib ki, ABŞ Prezidenti Co Bayden Ukraynaya Patriot sisteminin göndərilməsi barədə qərar verib. Rəsmilər Patriot sisteminin təmirdən sonra Ukraynaya göndərilə biləcəyini və bu qərarın digər müttəfiq ölkələri də eyni addımı atmağa sövq edə biləcəyini bildiriblər. Rəsmilər qeyd ediblər ki, ABŞ Müdafiə Nazirliyi (Pentaqon) Polşaya Patriot batareyası da yerləşdirə bilər.
Qeyd edək ki, Ukrayna Prezidenti Vladimir Zelenski ABŞ dövlət katibi Antoni Blinkenlə görüşündə Ukrayna üçün Patriot hava hücumundan müdafiə sistemləri ilə bağlı danışıqlar apardıqlarını bildirib.
Bahadur Seyidov
