24 il sonra baş tutan görüş ABŞ-ni narahat etdi
Rusiya prezidenti Vladimir Putinin Şimali Koreyaya səfəri Cənubi Koreya və Ukrayna üçün təhlükəsizliklə bağlı təsirləri səbəbindən ABŞ-da “narahatlığa” səbəb olub.
Demedia.az xəbər verir ki, Putin Şimali Koreyaya səfər etməzdən əvvəl Hərtərəfli Strateji Tərəfdaşlıq Sazişinin layihəsini təsdiqləməklə ölkəsinin Ukrayna müharibəsində və Qərblə gərginləşən münaqişədə Rusiyanın tərəfində yer alan dünyanın ən təcrid olunmuş ölkəsi ilə münasibətlərində keyfiyyətcə yeni mərhələyə qədəm qoyub.
Səfər mürəkkəb regional və beynəlxalq şəraitdə xüsusi əhəmiyyət kəsb edir, çünki o, Kremlin öz variantlarını xarici siyasət müttəfiqləri baxımından müəyyənləşdirmək meylini əks etdirir.
Qərb səfərin gedişatını və nəticələrini yaxından izlədiyi bir vaxtda ABŞ Milli Təhlükəsizlik Şurasının sözçüsü Con Kirbi “Bizi narahat edən bu iki ölkə arasında münasibətlərin dərinləşməsidir” deyib. Kirbi bildirib ki, narahatlıq təkcə “Ukrayna hədəflərini vurmaq üçün Şimali Koreyanın ballistik raketlərindən istifadə edilməsindən deyil, həm də Koreya yarımadasının təhlükəsizliyinə təsir göstərə biləcək sövdələşmənin ola biləcəyindən” qaynaqlanır.
Şimali Koreya isə Qərbin Rusiyaya silah verməkdə ittihamlarını “gülünc” adlandırıb.
Bahadur Seyidov
