Evdə oturarkən və ya işləyərkən günəş kremi istifadə etmək olarmı?



 21:34 24.06.2024     936

Son zamanlar bir çox insanın beynində sual işarəsi olan günəş kreminin istifadəsi kifayət qədər qarışıqdır.

Demedia.az xəbər verir ki, mütəxəssislər çöldə olmadığımız zaman günəş kremindən istifadə edib-etməməli olduğumuza aydınlıq gətirib.

Mütəxəssislər bildirirlər ki, çöldə günəş kremindən istifadə dərini qorumaq üçün ən faydalı tədbirlərdən biridir. Beləliklə, bütün gün qapalı vəziyyətdə olsanız, günəş kremindən istifadə etməyə ehtiyac varmı? Mütəxəssislər bunu səbəbləri ilə birlikdə bir-bir izah etdilər.

Günəş işığı ultrabənövşəyi radiasiya ehtiva edir. Bu spektrdə ultrabənövşəyi şüaların iki əsas növü var: UVA və UVB. Bu şüalara həddindən artıq məruz qalma bir çox dəri xəstəliklərinə səbəb ola bilər.

UVB şüaları daha qısa dalğa uzunluğuna malikdir. Buna görə də bu şüaya görə günəş yanıqları meydana gəlir. UVA şüaları isə daha uzun dalğa uzunluğuna malik olduqları üçün daha riskli problemlərə səbəb ola bilər. Xüsusilə dəri rənginin dəyişməsi, incə xəttlər və yaşlanma kimi problemlərə səbəb olur.

Şüşə əşyalar UVB şüalarını maneə törətsə də, UVA şüaları hələ də nüfuz edə bilər. Bu vəziyyətdə pəncərədən gələn günəş işığının dərinizi zədələmə ehtimalı hələ də çox yüksəkdir. Bu şüalar elastin və kollageni parçalayaraq qocalmanı sürətləndirə bilər.

Aysun / Demedia.az