İndi Azərbaycan üçün riskli olan vaxtdır, zamanın uzanması... - Açıqlama
"Ter-Petrosyan bildirir ki, Ermənistanı çətin və ağrılı qərarlar gözəyir, həm Azərbaycan, həm də Türkiyə ilə müqavilələr imzalamlı olacaq. Bu xoş olmasa da an gələcək ki, başqa seçim olmayacaq”.
Demedia.az xəbər verir ki, bunu politoloq Asif Nərimanlı deyib.
O bildirib ki, Levonun Ermənistanın gələcəyi ilə bağlı proqnozları bir çox hallarda doğru çıxıb:
"Münaqişə həll olunmasa, Ermənistanın indi düşdüyü vəziyyətin olacağını da, 2016-cı il “aprel döyüşləri”ndən sonra 2020-ci il müharibəsində baş verənləri də proqnozlaşdırırdı. İndi dedikləri də siyasi təbliğat yox reallıqdır.
44 günlük müharibədən sonra razılaşmaların icrasından yayınan Ermənistan geosiyasi şərtlərin dəyişəcəyi ümidi ilə vaxtı uzadır. İrəvan üçün bu şərtlərin dəyişməsi imkanları indi yaranıb, xüsusilə son sərhəd döyüşləri fonunda Qərbdə Azərbaycana qarşı müəyyən çağırışların edilməsi, Vaşinqton-Moskva qarşıdurmasında ermənilərə müəyyən yatırımların edilməsi bu perspektivi yaradır. Hərçənd, coğrafiyanın diktə etdiyi reallıqlar uzaq Qərbin epizodik xarakterli dəstəyinin Ermənistanı xilas edə biləcəyi ehtimalını arxa plana keçirir. İrəvan Bakı və Ankara ilə anlaşmağa məhkumdur.
İndi Azərbaycan üçün riskli olan vaxtdır. Zamanın uzanması özü ilə əlavə istəkləri də gətirə, ermənilərin maraqlarının hansısa məsələdə nəzərə alınması şərtlərini yetişdirə bilər. O baxımdan, indi – Rusiya və İranın “məşğul” olduğu vaxt Ermənistan sülh sazişinə məcbur edilməlidir".
Xəyalə Məmmədova / Demedia.az
