Nüvə fəlakətindən xilas ola biləcək YEGANƏ YER: Qara dənizin yanında...
Rusiya-Ukrayna müharibəsində gərgin vaxtında nüvə müharibəsi ehtimalları daha çox danışılmağa başlayıb.
Demedia.az xəbər verir ki, Rusiya ilə Ukrayna arasındakı gərginlik, mümkün nüvə fəlakəti ssenarisini xatırladır.
Nüvə apokalipsisinin təsir sahəsinin ölçüsü və mümkün fəlakət ssenarisində nə qədər insanın öləcəyi böyük sual işarəsidir. 21 yanvar 2022-ci il tarixinə məlumdur ki, istifadəyə hazır 13 080 nüvə silahı var ki, onların da əksəriyyəti Rusiya və ABŞ-ın əlindədir. Nüvə silahları ilə bağlı araşdırmaları ilə tanınan ABŞ tarixçisi Alex Wellerstein tərəfindən paylaşılan bir sənəd, Los Alamos laboratoriyasındakı elm adamlarının 1945-ci ildə bəşər övladının sona çatması üçün nə qədər nüvə bombasına ehtiyac olduğunu araşdırdıqlarını göstərir. Bu sənədə əsasən, maksimum 100 nüvə başlığı tələb olunur. Bu cür nüvə silahları insan həyatının böyük bir hissəsini təşkil etsə də, hamısını əhatə etmir.
Nəzəriyyəçilərin fikrincə, nüvə apokalipsisi ssenarisində dünyanın ekosistemi 150 milyon il ərzində məhv olacaq. Bu o deməkdir ki, bitkilərdən tutmuş həşəratlara, hətta mikroorqanizmlərə qədər bütün canlılar da daxil olmaqla, hər şey çürüyəcək. Ancaq bəzi nəzəriyyəçi və tədqiqatçıların fikrincə, bu qiyamət ssenarisində də bəşəriyyətin sağ qala biləcəyi yeri tapmaq mümkündür.
Mütəxəssislərin fikrincə, mümkün nüvə apokalipsisinin sığınacağı Rumıniyada Qara dəniz sahilləri yaxınlığında yerləşən Movile mağarasıdır. Bu mağara 1986-cı ildə geoloq Kristian Lasku tərəfindən kəşf edilib. Mağaraya ilk gələn bioloqlardan biri ABŞ-ın Cincinnati Universitetinin biologiya professoru Dr. Bu Tomas Keyn idi. Dr. Keyn apardığı ekspert analizlərinə əsaslanaraq, mağaranın təxminən 5 milyon il yaşı olduğunu və mağarada 33 unikal canlının kəşf edildiyini bildirib. Mağarada daha maraqlı olan o idi ki, mağaranın təbiəti milyonlarla ildir dünyanın qalan hissəsindən təcrid olunmuşdu. Dr. Keyn həmçinin bildirib ki, mağara Miosen dövrünün sonunda, böyük bir iqlim dəyişikliyinin yer üzündəki bütün canlılara təsir etdiyi zaman meydana gəlib.
Aysun / Demedia.az
