Toy qan gölünə çevrildi: Gəlin maşını yola düşərkən....
Meksikadakı narkotik müharibələri 2006-cı ildən bəri saysız-hesabsız ölümlərə səbəb olub.
Demedia.az xəbər verir ki, ölkədə dəhşətli işgəncələrlə öldürülənlərin sayının 300 mini keçdiyi güman edilir.
Dəstə zorakılığı günü-gündən artır. Amma bu dəfə ölüm yanlış insanı tapdı. Ən xoşbəxt günündə... 32 yaşlı Marko Antonio Rosales Kontreras Meksikanın kartel müharibələri ilə məşhur olan məşhur Xalisko əyalətində mühəndis işləyirdi. O, ailəsi və bacısı ilə toyu qeyd etmək üçün həmin səhər nişanlısının bələdiyyəsi olan Kaborkaya gəlmişdi. Ancaq xoşbəxt cütlük ən xoşbəxt günlərində başlarına nə gələcəyindən xəbərsiz idi.
Ölkədə kartel müharibələri davam edərkən, Marko Antonio həyatını nişanlısı ilə birləşdirmək üçün Meksikanın Kaborka şəhərindəki kilsədə ailəsi, qohumları və dostları ilə görüşüb.
Şənbə günü axşam saatlar 17:00-u göstərirdi. Meksikanın “El Universal” qəzetinin məlumatına görə, Marko Antonio Rosales Kontreras öz toyundan çıxarkən güllələnib. La Candelaria kilsəsinin qarşısında sui-qəsdçi yaxınlaşaraq Rosalesə ən azı dörd dəfə atəş açıb. Cütlük kilsədən təzəcə çıxıb və toy maşınına tərəf gedirdi. Gözlənilməz hadisədən dəhşətə gələn qonaqlar qanlı bəyin köməyinə qaçıblar. Hadisə yerinə təcili xidmət qrupları cəlb edilib, lakin bütün müdaxilələrə baxmayaraq talehsiz bəy həyatını itirib.
Aysun / Demedia.az
