Qarabağa qanunsuz yüklərin daşınmasına cəhdlər edilir - Siyasi şərhçi
Xankəndi yolunda keçirilən aksiyada iştirakçılar “humanitar yardım” adı altında qanunsuz daşımaların da qarşısını alır: məlumatlara görə, yoxlanılmadan keçmək istəməyən beş yük avtomobili buraxılmayıb.
Demedia.az xəbər verir ki, bunu siyasi şərhçi Asif Nərimanlı deyib.
O bildirib ki, bu məsələ iki məqamı ön plana çıxarır:
"Qarabağa hələ də qanunsuz yüklərin daşınmasına cəhdlər edilir: görünür, iştirakçıların “humanitar yardım”lara şərait yaratmasından sui-istifadə etmək istəyiblər və istisna deyil ki, yoxlamaya imkan verilməyən yük maşınlarında silah-sursat olub.
Qanunsuz daşımaların qarşısını almağa hesablanmış bu yoxlamalarla Azərbaycan xalqı Laçın yoluna nəzarəti praktiki olaraq icra edir və proseslərin inkişafı yolda rəsmi şəkildə gömrük-buraxılış məntəqəsinin qurulması ilə nəticələnə bilər".
Xəyalə Məmmədova / Demedia.az
