Messinin atasından transfer açıqlaması
PSJ-nin futbolçusu Lionel Messinin atası Jorje Messi Səudiyyə Ərəbistanının "Əl Hilal" klubuna keçəcəyi iddia edilən oğlu ilə bağlı sosial şəbəkə hesabında paylaşım edib.
Demedia.az xəbər verir ki, o, Messinin heç bir klubla razılıq əldə etmədiyini bildirib:
"Növbəti mövsüm üçün heç bir klubla anlaşmamışıq. Lionel Messi PSJ ilə mövsümü bitirmədən heç bir qərar verməyəcək. Mövsüm başa çatdıqdan sonra vəziyyəti dəyərləndirib qərar verəcəyik. Şayiələr hər zaman olur. Bəzi jurnalistlər məşhur olmaq üçün Messinin adından istifadə edirlər. Əminliklə deyirəm ki, heç kimlə razılıq əldə etməmişik. Nə sözlü, nə də imzalı anlaşma mövsümün sonuna kimi olmayacaq".
Qeyd edək ki, Messinin PSJ ilə müqaviləsi mövsümün sonuna qədərdir. Onun "Barselona"ya qayıdacağı ilə bağlı xəbərlər də yayılıb. / Qol.az
