Premyer Liqa: "Neftçi" "Kəpəz"i məğlub edib
Azərbaycan Premyer Liqasında XXXV tura start verilib.
Demedia.az-ın məlumatına görə, turun açılış matçı Qəbələdə oynanılıb.
Stadionu təmirdə olan “Kəpəz” bu şəhərdə “Neftçi” ilə qarşılaşıb.
Görüş bakılıların 3:1 hesablı qələbəsi ilə yekunlaşıb. Matçda hesabı “Kəpəz” açıb. Abdullah Şuaybu 45+3-cü dəqiqədə fərqlənib. “Neftçi” 65-ci dəqiqədə Ata Caber, 89-cu dəqiqədə Ömər Buludov, 90+4-cü dəqiqədə isə Kilan Lebonun qolları ilə qələbəni təmin edib.
Qeyd edək ki, bir neçə tur öncədən bürünc medalları təmin edən “Neftçi” xallarının sayını 65-ə yüksəldib. “Kəpəz” isə 30 xalla 7-cidir.
