Səudiyyə Ərəbistanı klubundan Buffona təklif
"Parma"nın qapıçısı Canluici Buffon karyerasını Səudiyyə Ərəbistanında davam etdirə bilər.
Demedia.az insayder Nikolo Şkiranın "Tvitter" səhifəsinə istinadən xəbər verir ki, 45 yaşlı qolkiperə sözügedən ölkədən konkret təklif göndərilib. Yerli çempionatı təmsil edən adı açıqlanmayan klub iki illik müqavilə ilə italiyalı qapıçıya ildə 15 milyon avro ödəməyə hazırdır.
Hazırda Buffon gələcəyi ilə bağlı yekun qərarını verməyib. Onun karyerasını başa vurmaq, "Parma"da qalmaq variantları da var.
