Mbappe məşqlərə qayıtdı
PSJ-nin hücumçusu Kilian Mbappe əsas komanda ilə məşqlərə qayıdıb.
Demedia.az xəbər verir ki, bu barədə jurnalist Fabrizio Romano məlumat yayıb.
Romano PSJ-dən sitat gətirib: "Loryan"lə oyundan əvvəl PSJ və Kilian Mbappe arasında çox konstruktiv və müsbət danışıqlardan sonra oyunçu bu səhər əsas komanda ilə məşqlərə qayıtdı".
Daha əvvəl bildirilmişdi ki, 24 yaşlı Mbappe 2024-cü ilin yayına kimi nəzərdə tutulan müqaviləsinin sonuna kimi PSJ-dən ayrılmamaq barədə son qərarı verib. Bildirilib ki, klub Kilianı bu yay istədiyi qiymətə sata biilməsə, onu bütün mövsüm boyunca əsas komandadan uzaqlaşdıracaq.
Kilian Mbappe ötən mövsüm PSJ-nin heyətində bütün turnirlərdə 43 oyunda 41 qol vurub və 10 qolun ötürməsini verib.
