Messi futbol tarixinin ən titullu oyunçusu oldu
“İnter Mayami”nin argentinalı hücumçusu Lionel Messi 10 qolla Liqa Kubokunun bombardiri olub.
Demedia.az-ın məlumatına görə, hücumçu "Neşvill"lə final matçında (1:1, 10:9-p.) oyunun 23-cü dəqiqəsində hesabı açaraq onuncu qolu vurub.
Onun ən yaxın təqibçisi Bonqokul Hlonqvan 7 qol vurub.
Hücumçu üçün bu kubok həm milli, həm də klub səviyyəsində qazanılan titulları hesablasaq, karyerasında 44-cü olub. O, tarixin ən titullu futbolçusu olub. Messi “İnter Mayami”də ilk kubokunu qazanıb. Bu, həmçinin, klubun ilk tituludur.
Qeyd edək ki, Messi 2021-ci ilin yayında "Barselona"dan PSJ-yə keçib. 2023-cü ilin yay "transfer pəncərəsi"ndə isə argentinalı “İnter Mayami” ilə azad agent kimi müqavilə bağlayıb və debüt matçında cərimə zərbəsindən qol vurub..
