“Real” Mbappeyə yekun qərarını açıqlaması üçün vaxt verdi
İspaniyanın “Real” klubu Fransa təmsilçisi PSJ-nin futbolçusu Kilian Mbappeyə yekun qərarını açıqlaması üçün 2024-cü il yanvarın 15-dək vaxt verib.
Madrid komandasının rəhbərliyi yeni ilin əvvəlində hücumçuya müqavilə təklifi göndərəcək.
“Kral klubu” 25 yaşlı forvarda illik 35 milyon avro maaş təklifi edəcək. Mbappe bunu qəbul edərsə, komandanın ən yüksək ödənişli oyunçusuna çevriləcək. Hücumçu qərarını ən geci yanvarın 15-də qarşı tərəfə bildirməlidir. Əks təqdirdə, ispanlar onun transferindən imtina edəcəklər.
Qeyd edək ki, 2017-ci ildən PSJ-də çıxış edən Kilian Mbappenin müqavilə müddəti cari mövsümün sonuna qədərdir.
