"Barselona" Levandovskini yola salmaq istəyir



 10:45 25.12.2023     147

"Barselona"nın nümayəndələri Səudiyyə Ərəbistanından olan vasitəçi ilə əlaqə saxlayıb.

Demedia.az xəbər verir ki, məlumata görə, katalon klubu hücumçusu Robert Levandovskinin gələn yay ərəb komandalardan birinə mümkün transferini müzakirə edir.

Bildirilir ki, polşalı hücumçunun cari mövsümdə nümayiş etdirdiyi futbol səviyyəsi "Barsa" rəhbərliyi və məşqçilər korpusunun xoşuna gəlmir.

Qeyd olunur ki, qanuna əsasən Səudiyyə Ərəbistanı klublarına bütün transferlər ölkədə bu məsələ üzrə səlahiyyətli şəxsin iştirakı ilə razılaşdırılmalıdır.
Xatırladaq ki, bu mövsüm 35 yaşlı futbolçu bütün turnirlərdə 21 matçda iştirak edib, 9 qol vurub, 5 məhsuldar ötürmə edib. Futbolçunun klubla hazırkı əmək müqaviləsi 2026-cı ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 20 milyon avrodur.