AFFA 2 komandaya texniki məğlubiyyət verdi
AFFA İntizam Komitəsi aşağı yaş qruplarında iki komandaya texniki məğlubiyyət verib.
Demedia.az-ın məlumatına görə, U-14 Liqasında keçirilməli olan “Qəbələ” – “Viktoriya” (Zaqatala) oyununda ikincilər təyin edilən vaxtda meydana çıxmayıblar.
Qarşılaşmanın baş tutmaması Zaqatala təmsilçisinə 0:3 hesabı ilə texniki məğlubiyyət verilməsi ilə nəticələnib.
U-17 Qızlar Liqasının “Baku Sporting” – “Sabah” qarşılaşmasının başlaması üçün isə birincilərin heyətində yetərsay olmayıb.
