Məşqdə huşunu itirən 18 yaşlı macar futbolçu öldü - FOTO
Macarıstanın “Andraşid” klubunun futbolçusu Viktor Marsel məşq zamanı qəfil vəfat edib.
Bu barədə “Andraşid” futbol klubunun rəsmi saytı məlumat yayıb.
Klubunun prezidenti Zoltan Soos bildirib ki, gənc futbolçu məşq zamanı gözlənilmədən huşunu itirib və yerə yıxılıb.
“Komanda yoldaşları və məşqçi dərhal gənc oyunçuya yardıma etməyə çalışıblar. Onlar təcili tibbi yardım xidməti ilə telefon əlaqəsi yaradıblar”, - deyə klubun rəsmisi bildirib.
Qısa müddət sonra stadiona gələn təcili tibbi yardım xidmətinin həkimləri reanimasiya tədbirlərini davam etdirib, ancaq gənc oyunçunu xilas etmək mümkün olmayıb.
